Velkommen til ei reinhekla oppleving

Om Reinhekla

Kulturarv i levande bruk

Reinhekla blei skipa av Jon Fredrik Skauge i 2008. Namnet kjem frå tilarbeidinga av lin. Dei finaste linfibrane som blir att når linet er hekla, er reinhekla, og ordet tyder òg ekthet og ærlegdom. Frå slektsgarden Fannremsgården formidlar Reinhekla kunnskap om tekstil, bunad og drakttradisjon bygd på historiske kjelder, og gjenskaper gamle plagg slik dei ein gong var. Jon Fredrik er historikar, bunadmakar og bonde, og dyrkar og foredlar framleis lin på garden. I 2025 fekk han eit årleg arbeidsstipend frå Norsk kulturråd for å fordjupe seg i nettopp dette.

Butikken

Innom tunet

Inne i tunet ligg den vesle butikken Reinhekla. Her finn du spennande handverk og tradisjonshandverk, handsydde bunader og moderne plagg som bind saman det gamle og det nye. Stikk innom for ei roleg stund, sjå handverket på nært hald og slå av ein prat.

Opningstidene varierer gjennom året. Sjå Facebook for oppdaterte tider, eller ta kontakt før du kjem.

Mat og tradisjon

Smaken av gamal kunnskap

Smør, rømme, grøt og heimebakt flatbrød laga slik det vart gjort før. Maten på Fannremsgården byggjer på oppskrifter og metodar som har gått i arv på garden, og er ein viktig del av kulturarven vi tek vare på.